泰·初夏

Open Now

Now Closed

食物體驗我哋揀咗呢間$218加1任食120分鐘的最平套餐，不過當日係星期五晚，場面真係一片人山人海！自助區嘅熟食台基本已經俾人掃清，剩返零星薯條、春卷幾樣嘢，睇到有啲失望。不過有啲係必搶亮點，包括脆炸雞翼同王子麵，食落真係有少少「童年味道」！韓國雪條款式算多，都幾吸引。食物選擇掃過QR code睇menu，肉類選擇的確唔算豐富，得幾款基本肉類，出面有花枝卷(雪到冰咁),蔬菜類同豆腐、粉絲之類咁，整體選擇偏少。最大反差係飲品區，竟然係全場最豐富嘅部分，提供咗唔少泰式風味飲品，特別泰式椰香味濃嘅椰汁仙草、仲有好甜嘅龍眼冰、泰式奶茶，不過因為人多關係，飲品仲要叫咗兩轉先出一轉，等嫁時候都唔知叫唔叫好，怕有Double咗。總結講真，星期五晚嚟真係「考驗耐性」，人多到食材好快掃清。個人覺得下次想好好享受個任食buffet，最好避開呢d高峰時段。要嚟嘅話，平日會更好，更有時間慢慢選擇唔同食物。