Sweet Basil Thai Cuisine

有一段時間無嚟過金不換，之前一次大概三個月前在黄埔店食過，知道銅鑼灣店從利舞臺廣場6樓搬咗上7樓，所以嚟試下。餐廰整體裝修及擺設是比較西式，空間也比較多，餐枱之間也有充裕嘅空間，感覺舒適。

我們二人點了芒果汁(2)，炸蝦餅，蠔油香菇炒竹芯，泰式炒金邊粉，本來想點生蝦刺身，點知waitress話在午餐時已賣晒，有D失望。

芒果汁

我每次嚟必點嘅係芒果汁，用鲜芒果加小量嘅冰洨碎，䬪落有很香芒果味，鍾意芒果嘅朋友必點。

蠔油香菇炒竹芯

蠔油香菇炒竹芯好似係一様新的菜式，我從未食過竹芯，雖然呢碟餸唔多似正宗泰國菜，所以決定試下，總體感覺一般，味道很淡，竹芯很爽口但無乜味，這道菜很健康，適合素食人士。

炸蝦餅

炸蝦餅仍保持水準，首先是量很足，一碟有4個像Donut般大的蝦餅，蝦味很重，香口彈牙，必食之選。

1

泰式炒金邊粉

通常食泰菜都會點咖喱配白飯，今天選食Pad Thai，這店用的配料包括芽菜，豆乾，蛋及九菜，花生碎放在旁邊，我最初以為會有蝦，但估計錯誤。金邊粉炒得有鑊氣，味道也適中，但有點不正宗，這道菜一般是生芽菜放在旁邊，不會與金邊粉一齊炒，可能是遷就很多香港人唔食生芽菜嘅原因。

總體感覺很好，服務也周到，會再嚟。