為食龍 (Closed)

因為今日放假，過灣仔 Staycation ，有時間順便去呢間人氣壽司店朝聖。因為食店門口入口位置較埋， 所以去到旁邊都要找一輪。 1 pm 左右去到，都唔算太多人，不用等位，便可以入座。 星期一至五，午市只有套餐，沒有散叫。星期六及日才會有散叫壽司。樓下有幾張二人高櫈枱， 派咗一張恐龍圖案牌仔，拎住上一樓安排入座，樓上有幾排卡位， 因為之前話有4000呎 ，但去到現場，沒有想像中大，不過環境唔錯。環境舒適，乾淨及明亮。食飯限時90分鐘。份量唔多，如果好肚餓或男仕，就未必夠飽。 其實收費都不便宜，不過啲刺身同壽司料都好新鮮，味道不錯，杯茶是凍的，不可再添飲。菠蘿柚子梳打， 有一整塊燒過的菠蘿，做型幾特別。