Cow Bean (荃灣廣場) (Closed)

星期一做野做到7:30pm，同同事一齊收工去揾野食，一齊去左食扒，cow bean 都唔算新開，但在荃灣就唔係點食過。8:00都仲好多人等下，但個侍應同我講可能因為落雨所以今日特別多人。我成日都覺得有人等的鋪路都唔會差得去邊😀。肉眼牛扒（300g)我原本預期自己可以輕鬆食晒，但最後我食唔晒。但一黎到的感覺係好香，而且如果想熟少少可以自己用鐵板的餘温再煮耐少少，味道都幾重牛味，但，後期食的牛開始有少少un 。如果下次的話，我會想試下更高級的M7和牛，好似好吸引咁😋我加左套餐可以加3款自己的選擇，我要左薯條、沙律同面鼓湯沙律味道都幾好味，不過大份少少我會更開心（其實都唔少，不過我比較大食）+$29 就可以嘆帆立貝2隻當然我有加錢試試，都幾大隻，個人認為抵食之選，必然要加😆本來無咩期望的面鼓湯原來都幾足料下，，我碗湯有兩隻蜆🤫唔知係咪我先有呢🤔