南小館 (愉景新城) (Closed)

趁着清明節，加復活節長假期，原本想帶小朋友出去郊外，但遇着落雨，唯有去親子商場愉景新城玩下。去到愉景新城，見到藍小館有好多位，咁就嗱嗱臨同啲小朋友食咗飯先，我哋叫咗個四人餐，有四色拼盆，雲吞雞，清炒河蝦仁，酸菜魚，咕嚕肉，小籠包，腐皮小菠菜。落咗單之後，好快就上菜啦，味道都唔錯嘅，唯獨是酸菜魚同埋雲吞雞唔夠熱，對於小朋友就啱啱好，大人就爭啲。始終九月嘅話會可以俾多啲分。最後埋單，總共$700左右。