Video
Read full review
2012-04-03
1385 views
星期日晚經過明記, 見唔駛等位, 所以入去試吓. 6:30pm 已經有三, 四檯客. 餐廳唔係好大, 裝修比較舊, 牆上掛住一部電視, 屬於街坊小菜館.打開餐牌, 有多款家常小菜, 亦都有各式市價海鮮, 價錢合理. 是日例湯 - 粉葛鯪魚唐排 - 足料靚湯, 唔多覺有味精, 好飲. 秘制皇妃雞 - 我哋叫咗碟例牌. 雞唔會太肥, 肉亦都唔韌, 都ok. 蟲草花豬潤浸枸杞 - 好少食到有蟲草花嘅小菜, 所以叫嚟試吓. 蟲草花冇咩特別味道, 質感有啲似金針菇. 枸杞菜都好嫩, 冇渣. 不過豬潤就有少少出血水嘅情況出現. 京都骨併脆大腸 - 京都骨夠香口, 味道亦唔會太酸. 至於大腸都唔錯, 夠脆, 感覺亦唔會好油膩. 是日甜品 - 蛋花馬蹄露 - 晚市有甜品送. 熱嘅蛋花馬蹄露, 唔係太甜, 亦有爽甜嘅馬蹄味, 幾好味. 至於服務方面, 都唔錯. 我哋冇叫昂貴嘅海鮮, 一個疑似老闆嘅男侍應, 幫我哋落完單之後, 都有傾有講. 上例湯嘅時間, 仲提醒我哋要小心魚骨. 總結: 價錢合理嘅街坊小菜, 味道亦都唔錯, 下次會再幫襯.
打開餐牌, 有多款家常小菜, 亦都有各式市價海鮮, 價錢合理.
是日例湯 - 粉葛鯪魚唐排 - 足料靚湯, 唔多覺有味精, 好飲.
秘制皇妃雞 - 我哋叫咗碟例牌. 雞唔會太肥, 肉亦都唔韌, 都ok.
蟲草花豬潤浸枸杞 - 好少食到有蟲草花嘅小菜, 所以叫嚟試吓. 蟲草花冇咩特別味道, 質感有啲似金針菇. 枸杞菜都好嫩, 冇渣. 不過豬潤就有少少出血水嘅情況出現.
京都骨併脆大腸 - 京都骨夠香口, 味道亦唔會太酸. 至於大腸都唔錯, 夠脆, 感覺亦唔會好油膩.
是日甜品 - 蛋花馬蹄露 - 晚市有甜品送. 熱嘅蛋花馬蹄露, 唔係太甜, 亦有爽甜嘅馬蹄味, 幾好味.至於服務方面, 都唔錯. 我哋冇叫昂貴嘅海鮮, 一個疑似老闆嘅男侍應, 幫我哋落完單之後, 都有傾有講. 上例湯嘅時間, 仲提醒我哋要小心魚骨.
總結: 價錢合理嘅街坊小菜, 味道亦都唔錯, 下次會再幫襯.
Post
