Video
Read full review
2018-04-26
1980 views
由於有親友住晌長沙灣，所以，久唔久都走過嚟呢一帶，呢區都算喺老區啦，區內舊唐樓極多。不過，隨着市區重建，附近幾幢嘅「喜」字頭嘅新樓以及蘇屋村陸續落成、入伙，連帶順寧道一帶都變化緊，較明顯喺多咗唔少餐廳進駐，避開青山道大街平租啲，客源亦相信會多起嚟。其中，較吸引人眼球喺主打以茶入饌嘅「Tea Hub 」，尤其一入夜，燈火通明鋪面晌幽靜嘅順寧道就更突出。全店一室雪白，木地板再襯以淺木系枱櫈，加上高樓底，牆上及天花添上少少擺設，一派文青小清新嘅格局，從外面望入去已有一份簡約通透感，確讓人有份悠然慢活嘅感覺。而門口，兩排對立嘅高腳枱櫈，喺輕鬆坐低飲杯嘢嘅打卡位，對出門外嘅街景，喺一幅幅活生生街坊嘅生活寫照。再者，對面仲喺得幾層高嘅舊唐樓，經過嘅街坊又多數喺「老」友記，細看似喺時空霎時凝住嘅70年代場景。餐廳喺採自助形式，先到收銀處落單，再由店員將食物送上。晌落單時，已番意到櫃枱位刻意設計成一間「小木屋」，貫徹店名嘅精神，煞有心思。既然喺自助形式，餐巾、清水、調味料就得要自己動手攞，不過，嚟得依類小店，服務自助喺絕唔介意。況且，餐廳唔收加一服務費，就更應該自己動吓手腳啦。但基本上，如唔喺太多客人
全店一室雪白，木地板再襯以淺木系枱櫈，加上高樓底，牆上及天花添上少少擺設，一派文青小清新嘅格局，從外面望入去已有一份簡約通透感，確讓人有份悠然慢活嘅感覺。
而門口，兩排對立嘅高腳枱櫈，喺輕鬆坐低飲杯嘢嘅打卡位，對出門外嘅街景，喺一幅幅活生生街坊嘅生活寫照。
再者，對面仲喺得幾層高嘅舊唐樓，經過嘅街坊又多數喺「老」友記，細看似喺時空霎時凝住嘅70年代場景。
餐廳喺採自助形式，先到收銀處落單，再由店員將食物送上。晌落單時，已番意到櫃枱位刻意設計成一間「小木屋」，貫徹店名嘅精神，煞有心思。
既然喺自助形式，餐巾、清水、調味料就得要自己動手攞，不過，嚟得依類小店，服務自助喺絕唔介意。況且，餐廳唔收加一服務費，就更應該自己動吓手腳啦。但基本上，如唔喺太多客人，店員都樂意幫你拎埋。
此外，作為一家茶品小店，茶葉嘅相關產品自然唔少得，如茶葉、茶餅、茶壺及茶杯……等等。
但不得不提，店家嘅營業時間喺超「刁鑽」，有心想嚟試，就先留意吓佢咩日子、鐘數開門，免得摸門釘。
餐牌第一版就喺主打嘅「茶食套餐」（$78），相當划算嘅套餐，因為無註明時間，理解為全日都有供應。包前菜，而主食喺以茶入饌嘅茶漬飯、茶湯麵或茶湯冷麵，配以自選兩款餸料（4揀2），同樣跟茶有關，再奉送指定餐飲一杯，亦可選取其他，過額先要補錢而已。
除「茶食套餐」之外，另一款有賣嘅套餐就喺「蛋糕套餐」，一款精選蛋糕加一杯$35以下飲品，只賣$58，同樣無講明咩時間供應，相信全日都有供應。
此外，後面並有一版「輕食Light Meal」嘅餐單，有多款三文治包類及比利時窩夫提供，如想配一杯飲品，有減$8優惠，想食得輕怡啲都有得揀。
其後，就喺店家嘅亮點產品，各式各樣嘅花草茶、併配花茶、特色茶、不同地區嘅純茶茶飲。
山渣洛神花茶（套餐）點咗兩客茶食套餐，製作需時，故先嚟餐飲。老婆揀山渣洛神花茶，貪佢開胃健康，有咩效用就唔多講，上網一查就知，難得杯花茶無過酸嘅問題，飲一口已好醒神。
有氣荔枝蝶豆花茶 +$6天氣轉熱，我就揀杯凍凍哋嘅有氣荔枝蝶豆花茶，蝶豆花類嘅飲品非第一次，所以，對佢會變色嘅「特效」一啲都唔陌生。店定亦好好安排，將荔枝梳打跟蝶豆花分開上，先讓人飲一口蝶豆花茶喺咩味，其實味道唔重，只喺有少少草香味。
再將蝶豆花茶慢慢倒入荔枝梳打，花茶即時由藍變紫，非常夢幻吸晴，當然，入口主要都喺荔枝嘅清香味，絕對唔會怪怪哋。
有氣荔枝蝶豆花茶
17 views
0 likes
0 comments
先嚟喺老婆嘅套餐，佢偏素，所以，餸料都好自然揀雜菇同豆腐，前菜則選上蔬菜沙律。
茶湯麵配茉莉花豆腐、烏龍茶雜菇
$78
39 views
0 likes
0 comments
細細碗嘅沙律菜，簡單淋上油醋而已，肯定無咩特別，勝在食材新鮮，咬落「索索聲」。
茶湯麵既然叫得「茶湯」，就梗喺加入茶味元素，就喺烏龍茶，配以昆布、鰹魚去做，由於茶味淡淡，所以，都唔會覺得好古怪，而麵條幼細絲滑，口感好好。
茉莉花豆腐、烏龍茶雜菇雜菇計有冬菇、秀珍菇及、雞脾菇，簡單以烏龍茶葉清炒，不過，始終啲菇菌本身有一定嘅香味，所以，烏龍茶嘅味道唔會話好突出。而啲豆腐煎得皮脆金黃，入口卻喺十分嫩滑富豆香，茉莉花嘅香味較為清香淡雅，所以，整體感覺輕怡。
茶漬飯配柚子煎茶雞翼、香茅薑茶脆魚塊繼而喺上小弟嘅茶食套餐，既然主食嘅餸料共4款選擇，佢揀咗兩款素嘅，我就揀餘下兩款嘅魚脆及雞翼。
茶漬飯配柚子煎茶雞翼、香茅薑茶脆魚塊
$78
29 views
0 likes
0 comments
比起個蔬菜沙律，另一款前菜車厘茄就有啲賣點，去晒皮嘅車厘茄利用洛神花去增加一份酸香味，入口涼涼哋，好清爽。
冰鎮洛神花車厘茄
41 views
0 likes
0 comments
茶湯以日系小茶壺盛載，再自行倒入飯內，感覺會更好玩，而飯粒分明，亦明顯煮得硬少少，撈埋茶湯一起食，小弟就覺得口感啱啱好，茶湯帶點鹹香，恰到好處。
柚子煎茶雞翼、香茅薑茶脆魚塊香茅薑茶作為茶飲都不足為奇，但用嚟炮製菜又頗有心思，為咗保持啲魚塊夠脆口，個香茅薑茶汁以小罌另上，盡見細節位。而魚塊唔單單粉漿薄，且脆口嫩滑，個汁仲帶少少橙香，喺嫌香茅味薄咗啲，但件魚塊入口喺完全無油膩感。而雞翼外觀煎得金黃焦香，咬落皮脆肉滑，而柚子味道非常突出，反而，煎茶味嘅效果唔明顯，要睇睇點改善令佢變得更有「茶」香，否則跟一般蜜糖雞翼無分別。
食完個茶食套餐，兩公婆仲有啲位，一於追加甜品，除蛋糕套餐，就只有散點，無加配蛋糕嘅優惠。而蛋糕款式就放晒晌餅櫃，是日就有豆腐芝麻芝士蛋糕、抹茶榛子朱古力蛋糕、蜜糖蘋果芝士蛋糕及百利咖啡酒芝士蛋糕，款款都賣$32，唔算貴，而且，更以膠蓋冚實，衛生又能保存新鮮度，減少乾化，小弟都算晌啲咖啡店食餅無數，見唔少店就咁放入凍櫃雪到乾晒。
除餅櫃嘅幾款蛋糕，原來仲有「自家製」戚風蛋糕，點解強調自家製，因為店員好老實咁講蛋糕喺托朋友做，而戚風蛋糕喺晌店內做，新鮮度自然無得輸。既然喺咁，就試試一款芝士餅及一客戚風蛋糕吧！
豆腐芝麻芝士蛋糕 $32雖然話喺托朋友做，但水準絕不失禮，可媲美酒店嘅級數。好欣賞佢消化餅底層做得夠薄，所以，入口十分鬆化；再上一層嘅豆腐芝士口感軟熟，有豆腐嘅香味，又帶少少芝士鹹香；頂層嘅芝麻慕絲口感幼滑且芝麻香氣十足，老婆激讚，所以，賣$32確喺抵食。不過，如果啲蛋糕能加入多啲「茶」嘅元素就更貼合餐廳嘅路線。
豆腐芝麻芝士蛋糕
$32
53 views
0 likes
0 comments
抹茶戚風蛋糕 $55賣到$55一客確喺唔平，過江龍「La Famille」嘅戚風蛋糕都喺賣四十零蚊左右，但食落都會覺得物有所值。是夜，剩番抹茶口味，個戚風蛋糕頗大個，裝飾完一輪先上碟，配上紅豆、抹茶威化薄脆，灑上抹茶粉及糖霜，所以，外觀份外靚仔。蛋糕嘅回彈力強，口感輕盈，茶味幽香，中心嘅忌廉打得超輕怡，質感柔滑，實在具水準。
抹茶戚風蛋糕
$55
39 views
0 likes
0 comments
食過兩件甜品後，就真喺滿足晒咁離開。離開時，其實都唔喺好夜，只喺八點左右，周邊嘅鋪頭都閂晒門，只剩下幾家食店，感覺好寧靜，更有份慢活嘅感覺！
Post
