1
重點推介佢哋嘅花膠雞湯底，一上枱就聞到濃郁雞湯香氣，湯色金黃透亮，飲落去鮮甜順喉，完全冇味精嘅口渴感。湯底入面真係有大大塊花膠，煮耐咗會釋放出膠質，令湯頭更加綿滑。我哋特登留咗碗淨湯飲，鮮味十足，連平時唔飲湯嘅朋友都飲咗兩碗！
海鮮方面，鮮蝦肉質結實彈牙，蜆肉鮮甜冇沙，蟹件仲見到橙紅色嘅蟹膏，簡單淥一淥就已經好夠味。
牛肉方面，美國肥牛油花分布均勻，輕輕一淥就食得，肉味濃郁得來唔會太膩。
服務都幾貼心，換碟加湯都好快手。以呢個價錢食到咁嘅質素，確實難得，特別係個花膠雞湯底，絕對係回頭嘅理由！ 最抵讚係明碼實價，冇隱藏收費！出面火鍋店淨湯底都收你百幾，呢度連加一都免埋！
18
1
