金竹苑中菜廳 (Closed)

聽朋友介紹呢間尖沙咀嘅中菜廳原來係明星飯堂，除咗環境唔錯之外食物亦非常有水準。呢間餐廳果然好出名，門外已經見到好多明星合照。 海蜇頭小雲耳：呢個冷盤份量好多，而爽口嘅雲耳加了適量芥末食落去非常開胃，而海蜇頭亦好出色。 避風塘去殻瀨尿蝦：瀨尿蝦非常大隻，大廚事先會將蝦殻清走，再加一層簿簿炸漿炸完再炒，而蝦肉彈牙煮得剛剛好，而且亦食到瀨尿蝦嘅鮮味，岩哂我呢啲懶人。菠蘿咕嚕肉：好似好普通但真係要推薦的菜式，有別於其他餐廳煮到一係淋身、一係肉質太乾，而大廚整到呢個咕嚕肉表面非常脆身，內裡亦保持大量肉汁，加埋甜酸醬汁一齊食真係停唔到口。 砵酒桶蠔：桶蠔非常肥美，每隻都差唔多有手掌咁大，食果陣亦有陣陣酒香，食完咁大隻蠔真係好滿足。甜豆西芹豬爽肉：食完咁多肉當然要食啲菜啦，甜豆西芹亦唔錯，煮得唔會過淋。而整體呢間餐廳環境都十分唔錯，而且菜式份量亦都好多，又係尖沙咀位置非常就腳，適合大班朋友一齊去食。