Pho星登陸越球 (Closed)

東南亞菜其中一樣最鍾意既就係越南菜。今次就去左E-Max，個名好得意既越南餐廳【Pho星登陸越球】，ViuTV既明星食堂，主打全新創意越南菜。 生熟牛河：熟牛肉搭配生牛肉片，肉既分量都好多。不過略嫌熟牛肉偏柴。湯底好香濃牛味，但又唔會過鹹。個味道都幾正宗。河粉分量都好多，食一碗已經好飽。生牛河：同生熟牛河一樣，不過只係得生牛肉片，都好推薦。越式炒扎肉金邊粉：新鮮炒起，熱辣辣。而且分量好足，餡都好多。不過味道偏淡少少。特式拼盤：有4款小食，包括炸春卷、扎肉、越南春卷同鷄肉沙律，4款小食都幾好食。炸春卷炸得非常香脆，但又完全唔油；越南春卷餡都算多，而且好新鮮；鷄肉沙律調味好特別，椰菜都幾新鮮爽脆。鹽酥雞粒：雖然唔算係越南菜，但整得都好好食。炸得酥脆唔油膩！而且分量超級多越式豬頸肉：燒得岩岩好，但又唔會過乾同調味都唔會太鹹！沙爹豬肉鷄肉串：肉質算係幾好，但調味偏鹹。On side既醬會有D偏辣。珍多冰：好耐無飲過珍多冰，見到有就立刻叫。椰奶好濃，味好足。綠色粉條量都好多！