輝哥私房菜 (Closed)

叫了醉雞湯底，呢碟雞係要加落湯架，醃到好入味，煮一陣就熟，肉質新鮮好嫩。打邊爐必叫蟹柳，味道鮮甜，好滋味。又想食芝士丸，又想食墨魚丸既情況下，叫了芝士墨魚丸，肉丸既size大大粒彈牙，芝士味濃，幾好食。安格斯牛頸脊，份量好多，牛肉味濃，肉質嫩滑，用黎打邊爐一絕。阿姐係咁叫我地試一試炸魚皮，於是嗌咗碟試下，魚皮係真魚皮，就算落咗湯唔記得夾，都可以搵得返，唔會溶咗，食落平假魚皮厚身有魚香。一入餐廳，見到餐廳痴滿曬相，一睇好多都係明星，究竟輝哥係咩人，咁多明星撐場既。