Nardo's Cafe (Closed)

眾多嘅旺角樓上Cafe，我最中意就係去旺角新城8樓嘅Nardo’s Cafe。中意依間Cafe都好多原因嫁，不過最主都係食物好食、有個熱情好客嘅老闆娘同埋鄰近信和中心/現時點。如果三五知已上去仲可以借下board game玩添。今日又同女朋友上咗去食，點咗最中意食嘅幾道菜：煙鴨胸野菜沙律配意大利黑醋、肉腸拼盤、蜜糖雞翼。今晚再點多個Dinner Set嘅西班牙芝士焗海鮮飯。我哋好中意食依個煙鴨胸野菜沙律配意大利黑醋、因為老闆娘入嘅沙律菜總係非常非常之新鮮，意大利黑醋亦有挑選過，黑醋味唔會搶咗出嚟，再加埋煙鴨胸、有菜有肉，十分平衡。肉腸拼盤有司華力腸、意式香葉腸、牛仔腸同熱狗腸。每種肉腸嘅味道同口感都各有不同。肉腸拼盤雖然好似好普通，買肉腸返嚟就可以，其實都要試過揀過先會入貨，前期工作所花嘅心思同時間都唔少嫁。蜜糖雞翼係我另一個中意食嘅小食。Nardo’s Cafe嘅雞翼都烹調得非常好，雞翼都剛剛熟透，肉質保持鮮嫩多汁，而外皮焦香。老闆娘無講用咗咩蜜糖，我估應該係用咗玫瑰蜜，因為入口唔會太甜之餘、仲帶有微微嘅蜜糖香。因為女朋友中意蒜香雞翼、所以今日點咗蜜糖同蒜香mix。西班牙芝士焗海鮮飯