15
⭐️ 生牛雙蝦 椰汁酸湯檬
呢碗檬粉真係酸得嚟有驚喜！椰汁湯底濃而不膩，帶點微辣同酸甜，飲一啖即刻醒晒！生牛薄得黎嫩滑，入口即化，兩隻大蝦爽彈！檬粉吸晒湯汁，彈牙得黎好入味，份量好多，真係大滿足！
⭐️ 牛豬紅蕃茄湯檬粉
蕃茄湯底係王道！酸酸甜甜好開胃，牛肉同豬頸肉都好新鮮，牛肉嫩滑，豬頸肉彈牙，食到停唔到口。湯底濃郁得黎唔會太重口味，仲有新鮮香草提味，啖啖都係越南街頭feel，抵讚！
⭐️ 手撕雞沙律+椒鹽脆蛋魚柳
手撕雞沙律感覺清新，雞肉撕得夠細緻，配青瓜絲同特製魚露醬，好解膩，食完重有啲意猶未盡！椒鹽脆蛋魚柳係驚喜之作，外層炸得香脆，魚柳嫩滑！
⭐️ 水果茶
水果茶好清爽，仲有啲氣泡感，解渴一流！同酸辣嘅湯底配搭，簡直係天作之合。
📍越男仔 (旺角)
旺角廣華街2-20號翠園大樓二期地下5號舖
