呢日一行四人黎到新華苑酒家開餐~
店內都頗大，分小菜或蒸氣鍋兩邊，而我地食小菜!
龍躉兩食~
第一食食西芹炒龍躉球。份量計頗大，龍躉肉厚切，肉身剛熟，所以軟身而彈牙，西芹配搭亦經典。
第二食清蒸頭腩。頭腩係魚比較濃味既地方，配蔥，雲耳清蒸能夠除去魚腥味又不失原味。
脆皮燒雞~
呢個燒雞得俾個5星佢。外皮燒至金黃色，脆卜卜，而肉身全熟又不過火。老人家最怕燒雞內在唔熟，而新華苑呢隻燒雞就perfect喇。
黃金海中蝦~
黃金，即邪惡蛋黃蓉。
做法大概係將海蝦開邊炸，再沾上蛋黃上碟。
蛋黃非常惹味，蝦肉炸過後不失鮮味實在難得。
紅燒豆腐~
食過大魚大肉後，總要有蔬菜平衡一下。
豆腐外脆內軟，份量亦合理。
新華苑雖無大酒家名氣，卻有一線小菜水準。不錯!
