Video
Read full review
2022-06-26
41 views
【旺角高質fushion菜💛 港式湯麵X咖啡店驚喜不斷✨】#真香港美食圖冊推薦程度：●●●●●抵食程度：●●●●◐———環境坐得舒服，裝飾好似將車仔麵⨯咖啡店結合，好有特色🤍 整體食物CP值高，份量多、用材新鮮，fushion食物特別✨要大讚係佢隻匙羹，夠深夠兜，每啖都好多湯+麵+餸，細節都做得好好👍🏻🍜 好鬼補雞湯麵 (選配米粉)｜$88包括濃雞湯底、花膠、魚肚、新鮮雞件、冬菇片，超多料🤍 可選拉麵/扁拉麵/米粉/湯飯或+$8轉日本稻庭烏冬～ 揀咗米粉整體清清地好正，唯米粉本質吸水力強，而我掛住影相食到最後冇晒湯拌，建議大家要專心啲食/試其他麵底；麵底份量多，本身唔大食又想飲湯可以叫少麵。雞湯底好清甜👍🏻 唔係味精咁濃，一啲都唔油膩，飲晒都唔頸渴同膩感✨ 好嘅湯底令配料同麵底都更上一層樓，令普通生菜都好鮮味；花膠同魚肚同樣吸晒湯底鮮味👍🏻 雞肉偏嫩滑，每件無骨啖啖肉，亦冇皮下脂肪，健康養生之選🤍🐮 牛隊長湯麵 (選配湯飯)$88包括濃牛骨湯底、秘製牛肋條、澳洲和牛封門柳、牛肚、牛筋、蘿白；麵底選擇同上。湯飯唔夠可添，但同樣地份量偏大，建議可以少飯，唔好貪心浪費✨ 牛湯底好濃而唔太咸，
#真香港美食圖冊
推薦程度：●●●●●
抵食程度：●●●●◐
———
環境坐得舒服，裝飾好似將車仔麵⨯咖啡店結合，好有特色🤍 整體食物CP值高，份量多、用材新鮮，fushion食物特別✨要大讚係佢隻匙羹，夠深夠兜，每啖都好多湯+麵+餸，細節都做得好好👍🏻
🍜 好鬼補雞湯麵 (選配米粉)｜$88包括濃雞湯底、花膠、魚肚、新鮮雞件、冬菇片，超多料🤍 可選拉麵/扁拉麵/米粉/湯飯或+$8轉日本稻庭烏冬～ 揀咗米粉整體清清地好正，唯米粉本質吸水力強，而我掛住影相食到最後冇晒湯拌，建議大家要專心啲食/試其他麵底；麵底份量多，本身唔大食又想飲湯可以叫少麵。雞湯底好清甜👍🏻 唔係味精咁濃，一啲都唔油膩，飲晒都唔頸渴同膩感✨ 好嘅湯底令配料同麵底都更上一層樓，令普通生菜都好鮮味；花膠同魚肚同樣吸晒湯底鮮味👍🏻 雞肉偏嫩滑，每件無骨啖啖肉，亦冇皮下脂肪，健康養生之選🤍
🐮 牛隊長湯麵 (選配湯飯)$88包括濃牛骨湯底、秘製牛肋條、澳洲和牛封門柳、牛肚、牛筋、蘿白；麵底選擇同上。湯飯唔夠可添，但同樣地份量偏大，建議可以少飯，唔好貪心浪費✨ 牛湯底好濃而唔太咸，係好足料熬出嚟嘅味道而非味精，好正🤍 牛肋條夠腍，但保持到肉質唔爛蓉蓉👍🏻 封門柳好腍好重牛味，可惜得一舊！
牛肚都好爽好入味；而牛筋好彈牙，好有骨膠原感，個人喜歡再腍少少偏啫喱狀，不過同樣入味✨ 蘿白係非常驚喜地香甜！！！爆晒汁✨ 整體無可挑骨頭👍🏻
🥑 牛油果蝦多士 (2件)｜$48 ➡︎ 跟餐$40多士炸到唔止香脆，係酥脆，好可口🤍 牛油果嘅蓉狀，加蝦嘅彈牙，夾雜多士嘅脆口，口感層次好豐富而三者相映成趣，唔錯✨
🥚 素蘭格蘭炸蛋 (素)｜$58 ➡︎ 跟餐$45香港好少見scotch egg，印象中食過英國嘅scotch egg外面係肉，味道偏咸，中間隻蛋都冇咁濕潤。呢款改用素食，冇咁油膩，口味比較適合香港人👍🏻 外面香脆，而蛋係好似日式溏心蛋，幫助整體濕潤少少，估唔到fushion版令菜色更好食✨🤍
☕️ 烘焙泡泡 (凍、走甜)｜$45 ➡︎ 跟餐$35即係Cappuccino，叫咗凍，欣賞佢唔係加冰咁求其，而係啡底本身凍，唔會被冰溝淡咗咖啡嘅香濃👍🏻 選用香港烘焙嘅咖啡豆，唔偏酸/苦，入口都偏淡，口味好大眾化，唔飲開咖啡嘅朋友都接受到🤍 加埋鮮奶打泡每啖好細滑，絕對拍得住咖啡店✨
☕️ 愛 · 明禎咖啡 (凍)｜$55 ➡︎ 跟餐$40友人熱愛明禎而點嘅飲品，嚟到覺知係同明禎bb一樣咁sweet嘅Mocha～ 整體唔太甜，凍啡底做得好好（同上）朱古力味唔係非常之濃，但餘韻留咗喺口腔好耐，係可一可再嘅飲品🤍
———
💛 麵賜園
📍 旺角通菜街36號地舖
———
#旺角美食 #hkig #hkfoodie #852 #foodie #whatforlunch #whatfordinner #相機食先 #香港 #hongkong
Post
