Running 燒 (Closed)

旺角高質燒肉放題😋😋大家一講話食燒肉放題多數都係牛角又或者兆萬，不過原來旺角都有其他選擇個喎😳今次嚟到Running燒，發覺都幾高質，而家再同大家分享一下啦。餐廳使用電話落單，選擇都幾多，肉類、海鮮、蔬菜一應俱全。另外仲有唔同嘅熟食供應：例如韓式炸雞同餃子，甚至牛角飯都有😂😂味道同原版一模一樣！肉類方面，個人最推介牛五花，肥瘦適中，肉汁滿瀉！如果加番啲蒜蓉落去炒，重嘢未過出邊大排擋。食到停唔到口😋五花腩都非常唔錯，加上呢度有新鮮生菜提供，可以包住食，減去肥膩感。海鮮方面，除咗一般嘅蝦同魷魚，呢度仲有芝士生蠔提供，不過要燒熟就要啲時間，我自己心急，就只係叫咗一份。買單都係$300唔使一個人，非常抵食㗎。