由20世紀喺廣東做牛肉檔生意到依家去到做點心店橫跨四代
秉持食材新鮮同手工點心嘅理念 堅持用新鮮牛肉做牛肉點心🥩
所以嚟到一定要試吓佢哋嘅牛肉世家系列👍🏼
另外好多點心都係熱辣辣 啱啱蒸好上菜 味道都好高質😋
牛肉入口好滑唔腥 腸粉做到夠滑 透 薄
餡料仲要好多
個人最愛係呢度嘅奶皇包 新鮮出爐爆漿
味道仲超級濃郁 仲有金沙質感
另外鮮蝦腐皮卷都好香口惹味 炸得超香脆
沙嗲牛肉包都好創新 味道濃郁 而且夠多汁唔乾
小籠包都係咬開會滴晒汁好好味
仲有好特別嘅港式懷舊風同上層嘅地鐵主題🚇
唔單止車廂 連出口路牌同地鐵扶手桿都完美複製埋🤣
好值得過嚟食嘢同打卡😆
另外仲有暖心嘅$5刮刮卡 內有不同優惠✨
所得款項會捐贈比浪浪之家 有得玩又幫到毛孩🥹
地點喺好方便嘅旺角 推薦可以過嚟試吓～
