堅韓牛韓燒放題 (Closed)

堅韓牛韓燒放題位於旺角彌敦道726號16樓，係T.O.P 商場後一條街，非常非便就腳。餐牌有3個Level ，我地簡左最豪華套餐Level 3，可以食到日本和牛、澳洲和牛、韓國牛肉、西班牙黑毛豬。侍應會先上一份三國牛肉寶盒，有齊日本和牛、澳洲M9和牛西冷、澳洲M9和牛肉眼，三款和牛呈大理油花，分佈均匀，油脂豐富，用生菜包住食可以減少油膩感。除左牛肉類，亦都有豬肉、雞肉、腸類、丸類、前菜、刺身、海鮮、串燒、小食、炸物、沙律、石頭鍋飯、甜品、飲品等等，以個套餐亦包埋清酒、真露、啤酒。