Morokok (家樂坊) (Closed)

旺角有一間靚靚泰式餐廳，裝修岩曬打卡，今次就同朋友食咗幾款泰菜：🟣泰式咖喱炒軟殼蟹咖喱味濃郁，唔會過辣，仲有少少椰奶嘅香甜。軟殼蟹份量夠大，而香酥餅炸得鬆脆，夾埋咖喱食口感更豐富。🔵泰越小食拼盤幾有特色，尤其係豬頸肉同蝦餅，豬頸肉燒得啱啱好，肉質嫩滑，帶有微微嘅焦香，而蝦餅就外脆內嫩，蝦味濃郁。雞翼炸得脆口！🟢經典檳城喇沙湯底酸辣適中，配料充足，魚片、蝦、豆腐卜等都幾新鮮，喇沙粉爽滑彈牙。🟡雙色芒果糯米飯用咗蝶豆花同班蘭兩款口味嘅糯米飯，配埋新鮮嘅芒果，糯米飯又香又糯。蝶豆花嘅淡淡紫色好靚，班蘭糯米飯則帶有淡淡嘅斑蘭香味！我哋去到嘅時候啱啱好你Happy Hour ，只要$10就可以叫杯飲品，包括特飲同咖啡，性價比好高，啱晒大家同朋友嚟飲下嘢吹吓水！