桔梗 (Closed)

今次就黎到一間隱藏喺旺角嘅隱世休閒小cafe。話就話係小café，不過地方一點都不小，而且仲有兩層！店內擺設裝修好有味道，地方又夠大，非常適合打卡！呢個前菜（甜品？！）叫做每日昔昔，個名同個樣都好得意，叫得應該係每日昔昔應該每日都係唔同味道，而我今日食到呢個係藍莓味！上面有少少脆片，底又有點朱古力，食落清新得來又不會沉悶！法包加上特製既無花果奶油同香橙白蘭地芝士醬！一種口感豐富、另一種賣小清新，各有特色，雖然有少少膩，但法包本身味道比較淡，所以食起來都不用擔心！呢個「水上芭蕾舞」，係刺身帶子、溫泉蛋risotto。帶子表面煎香過，溫泉蛋整得剛剛好，risotto本身的汁醬比較偏膩，但表面淋上左意大利黑醋去中和返，加上帶子本身味道都不重，所以我會話呢個risotto係清淡有少少膩。相反，呢個「海底世界」就比較味道豐富！有帶子、龍蝦同溫泉蛋等，同樣係用海鮮做材料，但羅勒堅果醬既味道濃烈得多，再配上大大隻龍蝦，重口味既朋友應該會比較鐘意,