J.moon

一入去個氣氛已經好好 成個場充滿好多月亮無論係天花板定係枱面上面 餐廳有室內室外俾人選擇用餐 今日我哋選擇咗喺室內都食晚餐 嚟到呢度當然一定要嗌佢招牌嘅signature 我見到Cocktail有好多人推薦 😆其中最受歡迎一定係Jmoon 🥰🥰因為佢嘅打卡效果超吸引 店員上檯之後就會喺酒上面整一個好大嘅泡泡 成個過程非常之療癒 而且呢一杯酒味道好易入口 好啱女仔飲🤤我嘅朋友就叫咗一杯Leo 因為事關呢度有十二生肖嘅雞尾酒 我嘅朋友咁啱就係獅子座 佢嘅雞尾酒嘅都好好飲 係配合百香果嘅味道 所以入口非常之清新！而佢嘅主食同埋小食都幾好食 都係fusion菜其中一個就係北京填鴨pizza 中西合璧咁 味道甜甜哋意外又幾夾 另外一款就係馬來西亞風味嘅炒意粉 味道非常之濃郁 越食越開胃！兩款小食都炸得好香口 炸魷魚鬚同埋炸雞翼都好好味 特別喜歡佢個炸雞翼 落咗少少調味粉惹味 ！