3
4
同班Friend去咗旺角呢間「河內越式餐廳」食晚飯，真係冇介紹錯！鋪頭雖然唔算好大，但裝修幾有越南風情，坐得幾舒服！
1
*濱海伴豬頸肉串燒*
一上枱就聞到勁香！
豬頸肉燒到外脆內嫩，啖啖肉汁，蘸埋佢哋特製嘅沙嗲醬，香甜惹味。個伴碟嘅濱海（即係越南米紙卷）包住豬頸肉一齊食，口感脆卜卜，正到爆！
*越式香茅雞翼**都係必點！
雞翼醃得超入味，香茅味好突出，皮脆肉嫩，仲要一咬就離骨，我哋2個人爭住食，差啲要encore多份！
*越式生菜包* 就健康啲啦，用生菜包住炒香嘅豬肉碎同香草，加埋脆米，口感豐富。不過略嫌豬肉碎鹹咗少少，如果淡返啲會更完美。
飲品叫咗*龍眼冰*，清甜解渴，龍眼肉又多，飲完成個人涼浸浸，好啱夏天！
總括來講，餐廳食物夠地道，價錢合理，埋單唔洗$400，服務又快手。一定會再約Friend去食！
26
14
