飯意主題餐廳 (Closed)

通常黎旺角都係食放題，今次約姊妹，所以要食得輕盈少少。黎到飯意，舖面唔太大，大約有十幾檯。過左lunch hour，所以等左陣就有卡位坐喇！人少少所以就點左份下午茶同主食。點左個烈焰鳳皇 濃湯芝士鍋$81，賣相一流。我地講笑話今餐似預先食聖誕餐，呢隻燒春雞代替火雞🙊 不過唔係講笑，隻雞都幾抵食，大件得黎又幾好咪。雞下面就係芝士鍋喇～芝士自己倒，鍋入面重有兩件餃子。芝士唔好搞開，就咁夾麵，芝士就會隨麵上。見到拉芝士就莫名奇妙地覺得好正！麵我地係揀左辛辣麵，成件事韓風左😂下午茶時間，又點少得下午茶餐（$98）呢！當日最吸引我既就緊係蛋糕類啦！有熱情果蛋糕，味道較甜，岩我朋友口味。重有岩我口味既焗芝士蛋糕同布朗尼蛋糕添。芝士炸雞，個芝士樣好正，個炸粉同平日出面食既唔同，較厚身，不過又有d似油炸鬼味道😂跟手有份沙律最後就係曲奇，正正常常既味道。下午茶餐跟兩杯野飲，加錢可轉水果茶（+$10@），不過我冇加到，飲大路野。以$98可以食到個英或下午茶，其實唔錯！而且，食物質素都幾好，環境亦冇壓迫感，可以同朋友仔暢談👍🏻