神輿日本料理 (Closed)

行街行到創興附近，食咩好呢，呢度有好幾間放題，未食過神輿呢間，上去睇下先。裝修得好靚仔喎，坐位又舒適，冇平時放題果種好趕好趕既感覺，食得好放鬆。睇下有咩好食先。壽司來了，好新鮮好吸引，真係一口壽司黎架，細細件，唔會食到飽晒，我好欣賞呢樣野。刺身都唔錯，色澤光亮。串燒花之丸好彈牙，牛肉粒好juicy，炸物全部即叫即炸，熱辣辣脆卜卜，正！薑汁豚肉好夠薑味，胡麻烏冬好滑口。除左汽水，仲有特色飲品，呢個玫瑰花茶，好香玫瑰味。仲有兩個甜品櫃，木槺布甸同oreo 布甸，簡直係最愛，我已經打開第二個胃，都食到超飽。