南越南咖啡廳

Open Now

Now Closed

扎肉心內美米紙卷，真係超好味！每一啖都好新鮮，米紙軟綿綿，扎肉好多汁，加埋啲蔬菜同醬汁，真係令人回味！我地叫左火龍芒芒蝦仁配脆蝦片！呢個組合真係好特別！蝦仁鮮甜多汁，脆蝦片外脆內軟，同埋火龍芒芒嘅醬汁配合得好好！惹火上身鹹檸豬頸肉～豬頸肉好香口，檸汁嘅酸甜味道配合得剛剛好！不過，真正令我驚喜嘅係佢哋嘅NVN咖啡骨。一見到咖啡杯上有夢幻棉花雲朵，令我地好興奮！當我將咖啡沖下去之後，原來杯裏面係咖啡骨，超級美味！咖啡骨嘅風味醇厚，帶有微妙嘅咖啡香氣，真係令人驚艷。我地仲食左越式咖哩牛肋條配斑蘭椰香飯。牛肋條燉得好軟嫩，咖哩醬汁香濃，同斑蘭椰香飯配合得好好，味道鮮美。我地仲叫左越式發酵茶葉沙律。呢個沙律真係清新又開胃，茶葉發酵嘅味道帶點酸酸甜甜，同埋配上啲新鮮蔬菜同花生碎，食落好開胃。至於飲品，我地飲左接骨木花茶青蘋果（熱）同香茅青蘋果茶（冷）。接骨木花茶有淡淡嘅花香，同青蘋果嘅酸甜味道配合得好好，非常解渴。香茅青蘋果茶凍凍地，清新爽口，係炎熱天氣最適合嘅飲品。