阿爺八鮮鍋 (Closed)

呢晚好想打邊爐，放工就上網搵下旺角食邊間火鍋放題好～19:30入座價錢$358，單看價錢睇有點貴，不過放題套餐包嘅野係值回票價。入座時會送上是日精選足料燉湯。未食火鍋前先食番個花膠年糕雞煲～雞煲仲可以無限追加，煲內花膠大塊厚肉，吸收晒雞煲精華都幾好食！Like & share Fb 同ig 平台 就會送鹽焗蟹同小食鳳爪。超級海鮮盒嘅鋰魚擺盤勁靚，有澳洲龍蝦、南非鮑魚、日本元貝最令我驚嘆就係呢個超豪華刺身拼盤龍蝦刺身、象拔蚌刺身、赤蝦、鯛魚、希靈魚刺身非常出色，尤其龍蝦刺身勁鮮甜，象拔蚌鮮味彈牙。食龍蝦刺身，就淥番隻龍蝦食下，肉質爽彈有鮮味。只要新鮮點食都甘中意。火鍋料必食推介：手切安格斯牛小排牛味濃、牛舌係牛舌心超正、龍躉頭腩皮Q肉彈、墨魚咀爽彈爆汁吊桶仔真係好新鮮，整體海鮮都非常推介。