Video
Read full review
2018-07-24
88 views
韓風影響到好多香港人，除左多左去飛去韓國Shopping外，仲會睇韓、聽韓，連食到韓埋。係香港的韓式餐廳有好多，今次為大家推薦的係位於旺角創興的平價韓燒！餐廳的油煙唔多，而且夠闊落，坐得夠舒服。價錢方面一D都唔貴，星期一至四7點幾去食都只係$198，而且大家係星期一至三去食的話，仲有五送一優惠！餐廳有好多食物可以選擇，當中包括三文魚魚生、凍海鮮、壽司、沙律。其中我最欣賞的係個龍蝦沙律！加入酸甜的沙律醬伴住生果粒及龍蝦肉粒，味道非常開胃。另外，餐廳提供的凍蝦及凍蜆也算不錯。凍蝦的味道都幾鮮，蜆又唔會有沙！另外，餐廳仲有提供沙律及壽司。沙律菜都幾新鮮脆口，不過我略嫌款式唔夠多，如果可以有埋粟米粒及麵包粒，味道及口感應該會更鮮更豐富。我們拎左幾件壽司，三文魚刺身雖然唔夠厚，不過食落唔腥，只係油香唔多夠。不過$198食到新鮮唔肚痛的刺身已經不錯！此外，食韓國野點可以少左泡菜呀？！餐廳提供多款的前菜，除左常見的韓式傳統泡菜外，仲有白菜仔、莧菜、醋醃青瓜等。韓式傳統泡菜醃得都幾夠味，味道唔算太辣，可以接受。如果大家餓的，仲可以到熱食區拎D即食的熟食。當中有泡菜/海鮮煎餅、韓式炒粉絲、鮮蜆湯、炸物等
價錢方面一D都唔貴，星期一至四7點幾去食都只係$198，而且大家係星期一至三去食的話，仲有五送一優惠！
餐廳有好多食物可以選擇，當中包括三文魚魚生、凍海鮮、壽司、沙律。其中我最欣賞的係個龍蝦沙律！加入酸甜的沙律醬伴住生果粒及龍蝦肉粒，味道非常開胃。另外，餐廳提供的凍蝦及凍蜆也算不錯。凍蝦的味道都幾鮮，蜆又唔會有沙！
另外，餐廳仲有提供沙律及壽司。沙律菜都幾新鮮脆口，不過我略嫌款式唔夠多，如果可以有埋粟米粒及麵包粒，味道及口感應該會更鮮更豐富。
我們拎左幾件壽司，三文魚刺身雖然唔夠厚，不過食落唔腥，只係油香唔多夠。不過$198食到新鮮唔肚痛的刺身已經不錯！
此外，食韓國野點可以少左泡菜呀？！餐廳提供多款的前菜，除左常見的韓式傳統泡菜外，仲有白菜仔、莧菜、醋醃青瓜等。韓式傳統泡菜醃得都幾夠味，味道唔算太辣，可以接受。
如果大家餓的，仲可以到熱食區拎D即食的熟食。當中有泡菜/海鮮煎餅、韓式炒粉絲、鮮蜆湯、炸物等。當中我拎左兩款韓式煎餅，泡菜味比相像中唔辣，海鮮味雖然唔多海鮮，不過拎埋枱用鐵板煎返熱佢都幾香口。
生料方面30款以上的食材可以選擇。當中除左有多款肉款、內臟、蔬菜外，更有少量海鮮。我特別推介大家試薄切牛脷，口感軟腍，啖啖肉香；豬梅花肉的油香較豐富，鍾意香口的朋友不能錯過；一口牛比較有口感，牛肉味較濃；魚柳無雪味，不過都幾易痴底，要小心煎；墨魚仔用左韓式辣醬餡了，味道微辣，墨魚的口感都算彈牙。
如果大家同我一樣技術未到家，燒到痴曬底的話，大家只要舉舉手，麻煩職員幫忙換就可以，佢地都好樂意幫手換。
食到一半，當然都揾野飲啦！餐廳的飲品都係自助任飲的，當中有茶、汽水，仲有啤酒，呢D大路的選擇。
食到最後，當然要食甜品啦！餐廳提供多款甜，除左有小杯裝的蛋糕布丁外，仲有自家製綿花糖、朱古力噴泉，仲有雪糕！我的心水心選當然係韓國大熱一時的蜜瓜雪條啦！
==============================
鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)
Post
