Video
Read full review
2022-11-08
294 views
一到秋冬又係瘋狂打邊爐食雞煲既時候啦，今晚放工book左呢間位於旺角既二鍋頭，餐廳主打2小時任飲任食火鍋放題，最近更新左餐牌，套餐價位由$218 至 $318 不等，仲可以用優惠價$68升級至羊腩煲放題，餐廳環境乾淨企理，通風系統都做到好足，我地今日就揀左個嚴選安格斯牛放題，仲有得食黑椒豬手煲同火焰鴛鴦鴨煲，超豐富🥘嚴選安格斯牛放題 ($258/位)🌟黑椒豬手煲頭盤食個黑椒豬手煲，店員上枱後再加即磨黑椒，豬手都好多件並帶煙韌口感，煮得剛剛好夠惹味🌟火焰鴛鴦鴨煲平時多數都係食雞煲，鴨煲我都係第一次見，店員上枱時淋上玫瑰露之後點火，做到火焰鴨煲既效果，餐廳用上兩款唔同既鴨: 臘鴨同新鮮鴨，食落好香濃玫瑰露味，鴨件亦燘到好入味😍😍😍🌟羊腩煲放題 (+$68/位)見佢地做緊羊腩煲放題優惠，天氣咁凍最適宜食羊腩煲暖胃，羊腩好腍，羊味香濃但唔會好羶，都幾足料，有枝竹馬蹄等配料，好好食😋🌟火鍋放題食左三款咁高質既煲終於開始打邊爐，我地用返本身羊腩煲既汁打邊爐，火鍋配料都好多選擇，其實食到半飽，所以揀左幾款配料打邊爐就算: 安格斯牛板腱、墨魚滑、活海蝦同白鱔片，牛肉吸收哂湯底既精華好好食，墨魚滑都好爽
一到秋冬又係瘋狂打邊爐食雞煲既時候啦，今晚放工book左呢間位於旺角既二鍋頭，餐廳主打2小時任飲任食火鍋放題，最近更新左餐牌，套餐價位由$218 至 $318 不等，仲可以用優惠價$68升級至羊腩煲放題，餐廳環境乾淨企理，通風系統都做到好足，我地今日就揀左個嚴選安格斯牛放題，仲有得食黑椒豬手煲同火焰鴛鴦鴨煲，超豐富
🥘嚴選安格斯牛放題 ($258/位)
🌟黑椒豬手煲
頭盤食個黑椒豬手煲，店員上枱後再加即磨黑椒，豬手都好多件並帶煙韌口感，煮得剛剛好夠惹味
🌟火焰鴛鴦鴨煲
平時多數都係食雞煲，鴨煲我都係第一次見，店員上枱時淋上玫瑰露之後點火，做到火焰鴨煲既效果，餐廳用上兩款唔同既鴨: 臘鴨同新鮮鴨，食落好香濃玫瑰露味，鴨件亦燘到好入味😍😍😍
🌟羊腩煲放題 (+$68/位)
見佢地做緊羊腩煲放題優惠，天氣咁凍最適宜食羊腩煲暖胃，羊腩好腍，羊味香濃但唔會好羶，都幾足料，有枝竹馬蹄等配料，好好食😋
🌟火鍋放題
食左三款咁高質既煲終於開始打邊爐，我地用返本身羊腩煲既汁打邊爐，火鍋配料都好多選擇，其實食到半飽，所以揀左幾款配料打邊爐就算: 安格斯牛板腱、墨魚滑、活海蝦同白鱔片，牛肉吸收哂湯底既精華好好食，墨魚滑都好爽口彈牙😆👍🏻
🌟自助區
餐廳設有自助區，可以拎新鮮蔬菜、響鈴卷、飲品同甜品，呢個價錢絕對超值💯
Post
