Video
Read full review
2020-06-18
637 views
嚟自台灣嘅黃金店「桔梗」，係我Bookmark好耐嘅店❤️尋晚終於去食了😁 餐廳樓高3層，佔地5600呎！！😬我初初仲以為佢係文青小店，估唔到大成咁！而且二樓仲有個休閒角落，比人打桌球，天氣好命仲會開放埋三樓天台，有水煙供客人使用！超誇張！ 雖然餐廳好大，但人流極高，尋晚我6點準時入去，未夠7點已坐滿人😅而且呢度wall in，待應係會分配你去坐中間逼死人嘅10人枱，唔比揀位，坐得都幾唔舒服，所以建議大家嚟呢度一定要Book枱！至於食物方面，我覺得桔梗整體水平都中上。今次我就order咗軟殼蟹小漢堡、蕃茄培根豬頸肉燉飯及桔梗奶昔。軟殼蟹小漢堡🦀 睇相細細嚿， 上枱好大嚿🤪桔梗呢個軟殼蟹小漢堡絕對唔「小」嘢！每一個漢堡入面都夾住一隻炸軟殼蟹，入面好多蟹膏，好足料！加埋少少好似酸奶醬嘅醬汁（不確定），酸酸甜甜咁，可以解蟹腥之餘，食上口無好膩嘅感覺，個人都幾鍾意！而小漢堡味道似甜甜地嘅餐包，質感偏實，食完都比想像中飽肚。另外，小漢堡旁仲有炸魚柳，味道就跟一般街食嘅炸魚柳差不多，無太大特別，但咬上口啖啖肉，相實Meat Lover實會好滿足。 蕃茄培根豬頸肉燉飯🐽 桔梗向來做燉
雖然餐廳好大，但人流極高，尋晚我6點準時入去，未夠7點已坐滿人😅而且呢度wall in，待應係會分配你去坐中間逼死人嘅10人枱，唔比揀位，坐得都幾唔舒服，所以建議大家嚟呢度一定要Book枱！
至於食物方面，我覺得桔梗整體水平都中上。今次我就order咗軟殼蟹小漢堡、蕃茄培根豬頸肉燉飯及桔梗奶昔。
軟殼蟹小漢堡
$168
28 views
1 likes
0 comments
蕃茄培根豬頸肉燉飯
$158
28 views
0 likes
0 comments
蕃茄培根豬頸肉燉飯🐽 桔梗向來做燉飯起家，嚟呢度當然要食下佢哋嘅拿手燉飯！我超鍾意呢個燉飯，溫泉蛋，蕃茄同芝士嘅飯底超惹味！味道有啲似焗豬扒飯，不過唔係炒飯底，醬汁滲透每粒飯，隻味再濃郁啲！此外，我好鍾意佢哋係飯上加咗一層炸藜麥！同燉飯一齊食，一軟一脆，口感好豐富！至於豬頸肉，係薄切咁上，應該經過高溫煎香，逼走晒啲油，食上口好爽，感覺一啲都唔膩。 
桔梗奶昔
$58
9 views
0 likes
0 comments
桔梗奶昔🍊 飲品方面，我揀咗招牌桔梗奶昔。呢個奶昔係士多啤梨＋肉桂打成，肉桂味同士多啤梨味幾出，但質感偏稀，仲要勁甜，味道真係一般般，賣58蚊，細細杯，絕對唔平😂
另外，桔梗係採用自助式服務，呢點我係不太鍾意。餐廳啲枱好逼，飲水要出Bar枱自取，行出行入好唔方便。食飯又好似快餐店咁，買完坐低等送餐，無服務可言，但價錢唔平。無Book位時坐10人枱，係木板凳，2人坐埋一齊，好逼，仲要無位擺嘢，同類餐廳，我諗我寧願揀對面街嘅茶聊囉😅
Post
