Video
Read full review
2023-11-09
61 views
令和最吸引嘅地方係有清酒任飲set，可惜我第二日要返工如果唔係都想試下😆！望住佢哋好幾個大雪櫃裝滿不同種類嘅酒，嚟同朋友慶祝或聚會都好適合🤩。🦪#清酒蠔湯紙火鍋 ($298) 望到「哇」咗一聲，賣相幾靚仔，雖然配料款式唔多，以蔬菜為主，但勝在份量好足，鍋入面嘅蠔仲幾大隻🤩！食落鮮甜之餘冇腥味，連帶入面嘅蔬菜都有濃烈嘅蠔味😍。火鍋會跟一碗白飯、一隻蛋同少少蔥花，店員話食到最後可以留少少湯整炊飯😮。(啲湯我自己偷偷地飲咗好多淡)🍜#鍋燒烏冬 ($88) 🍜配料豐富，除咗有兩大嚿叉燒，仲有溫泉蛋、炸蝦、蟹柳、鳴門卷同紫菜😋。夠哂多樣性🤣，烏冬幾彈牙嫁，湯底係淡淡嘅海帶湯，清清地反而仲正😝。🐟#三文魚伴蘋果木煙燻醋 ($88) 作為開胃前菜，味道一定以酸味為主，細味品嘗或者會感覺到蘋果嘅甜，三文魚肥美自帶油香，同煙燻成絕配。上面仲鋪咗少少三文魚子，酸酸地好似爆爆珠🫣。#威士忌可樂 ($48)入口先會品嚐到可樂嘅甜，之後威士忌嘅辛辣從後而來👅。即使我本身唔太飲酒，都會不知不覺間飲晒成杯🙈。🥃#青檸燒酎梳打 ($48)酒味唔算重，相對容易入口。青檸篤幾篤啲酸味就出哂嚟。今次最可惜嘅係原本飲品我想叫
令和最吸引嘅地方係有清酒任飲set，可惜我第二日要返工如果唔係都想試下😆！望住佢哋好幾個大雪櫃裝滿不同種類嘅酒，嚟同朋友慶祝或聚會都好適合🤩。
🦪#清酒蠔湯紙火鍋 ($298)
望到「哇」咗一聲，賣相幾靚仔，
雖然配料款式唔多，以蔬菜為主，
但勝在份量好足，鍋入面嘅蠔仲幾大隻🤩！
食落鮮甜之餘冇腥味，
連帶入面嘅蔬菜都有濃烈嘅蠔味😍。
火鍋會跟一碗白飯、一隻蛋同少少蔥花，
店員話食到最後可以留少少湯整炊飯😮。
(啲湯我自己偷偷地飲咗好多淡)
🍜#鍋燒烏冬 ($88) 🍜
配料豐富，除咗有兩大嚿叉燒，
仲有溫泉蛋、炸蝦、蟹柳、鳴門卷同紫菜😋。
夠哂多樣性🤣，烏冬幾彈牙嫁，
湯底係淡淡嘅海帶湯，清清地反而仲正😝。
🐟#三文魚伴蘋果木煙燻醋 ($88)
作為開胃前菜，味道一定以酸味為主，
細味品嘗或者會感覺到蘋果嘅甜，
三文魚肥美自帶油香，同煙燻成絕配。
上面仲鋪咗少少三文魚子，
酸酸地好似爆爆珠🫣。
#威士忌可樂 ($48)
入口先會品嚐到可樂嘅甜，
之後威士忌嘅辛辣從後而來👅。
即使我本身唔太飲酒，
都會不知不覺間飲晒成杯🙈。
🥃#青檸燒酎梳打 ($48)
酒味唔算重，相對容易入口。
青檸篤幾篤啲酸味就出哂嚟。
今次最可惜嘅係原本飲品我想叫#鮮檸檬燒酎梳打，點知手殘撳錯變咗青檸🥹（鮮檸檬嗰杯用嚟打卡好正）。
另外都推薦唔食蠔嘅朋友可以點#壽喜燒鍋，隔籬枱嘅油香同甜味不停入侵我個鼻，淨係聞到已經覺得好食，如果唔係男朋友話想試蠔火鍋我一早嗌咗壽喜燒😤。
Post
