鍋霸吃到飽台式養生火鍋 (創興廣場)

Open Now

Now Closed

早幾日同朋友去咗mk打邊爐，鋪面裝修幾乾淨明亮，亦坐得幾舒服，啲枱之間距離都唔窄。今次我哋揀咗鴛鴦鍋，一邊係椰子雞湯底，另一邊就試咗蟲草花桃膠雞湯底。椰子雞湯底飲落清清甜甜，雞味同椰子味都幾出。蟲草花桃膠好滋潤，湯底帶點濃稠膠質感。肉類方面，Prime牛肩胛肉很不錯，雪花分佈平均，而且唔會太肥，落湯涮一涮都幾嫩。豬肉片亦冇臊味，質感滑嫩。海鮮方面，佢哋嘅生猛海蝦真係幾新鮮，蝦肉爽口彈牙。脆鯇魚片同埋深海魚柳都不錯，魚片切得厚薄適中，唔會煮到散晒。火鍋料方面，大推佢地嘅手工丸同流心包，爆芝士牛丸咬開有少少拉絲，芝士味幾出，唔會膩。八吋長蟹棒口感十足。芫茜燒賣都算幾特別，唔怕芫茜嘅可以一試。另外值得一提嘅係佢哋啲腸仔魚蛋都可以一粒一粒叫，可以試多d款式，但又唔會浪費食物，幾好。飲品方面嘅選擇都唔少，有凍有熱，個人好中意係出面好少見嘅Singha梳打。最後會送一杯雪糕，Häagen-Dazs、movenpick同dreyers嘅熱門口味都算齊。