古今

Open Now

Now Closed

咁多年黎一直都好鍾意食古今，但係自從冇喺觀塘返工之後，都冇機會食。原來旺角都開咗古今，咁就約埋同事放工嚟食啦。呢度最特別嘅就係呢個火山，除咗好食之外，一上枱嘅時候侍應仲會用火槍燒一燒個壽司，睇落好似火山咁，好適合打卡。同事第一次食，忍唔住係咁影，而且話我冇介紹錯。呢個炸蠔係第一次試，估唔到份量咁多舊，而且食落蠔好新鮮，出面啲炸蠔多數都係拎啲冇咁新鮮嘅蠔嚟整，估唔到呢度咁出色。另外呢度嘅串燒都好好食，非常推薦佢嘅燒雞翼，雞翼好大隻，而且外脆內嫩，食落肉質好滑，調味雖然唔係好重，但係已經食到好開胃。呢間餐廳又適合打卡，而且食物質素好高，價錢仲唔貴，唔怪得可以開咁多分店啦。