本場

Open Now

Now Closed

今晚嘅主角就係位於旺角嘅「本場」日本烤肉放題，因為同一個朋友慶祝生日，諗住食得放d，唔洗計較個價錢，我哋就揀咗呢度🌝食物既多樣化又新鮮，我哋點左頂級澳洲和牛海鮮放題套餐。從頭盤嘅和牛海鮮，到主餐嘅澳洲和牛，每一件都充滿味道，份量慷慨😋。極品牛小排，真係正！個肉質一食就知道係貴野黎既。最驚喜嘅就係M8和牛封門柳同M8和牛牛板腱，個油香係好出色，入口即溶🤭。至於網燒一口牛，就真係過癮。肉質飽滿，有勁道，加上味道香口、蘊含濃郁嘅肉汁😜。食燒肉同埋慶祝生日，就一定要飲啤酒啦，有1664同埋sapporo，男同女既口味都齊晒。整體黎講，每樣食物都好吸引，我哋食得好開心，價錢又合理！✨