Video
Read full review
2022-10-09
23 views
一汁一菜係日式料理中最基本嘅組合🇯🇵包括一碟小菜、一碗飯、同一碗湯🥸看似簡單嘅料理都可以有多重變化 今次就嚟咗位於朗豪坊嘅一汁一菜主打日式家常料理 簡約木系裝修 而且選址較隱蔽 所以環境幾恬靜😌好適合自己一個靜靜地食餐飯🤪-而家仲推出咗$178限定二人餐👭🏻有齊湯、飯、小菜 仲有兩杯茶飲 可以試晒佢哋最signature嘅菜式😉餐點用餐盤裝住 好似喺canteen食飯咁🤣-🍱限定二人前 $178*供應至另行通知-湯 x2🍲北海道產甜粟雞肉豆乳濃湯果然係濃湯 質感比較濃稠 每一啖都充滿粟米甜味 而且加咗我最鍾意嘅西蘭花 不過豆乳味唔太食到·🍅意大利產番茄蔬菜濃湯(配溫泉蛋)番茄湯都幾足料☺️加咗唔少蔬菜 味道個人覺得介乎於蕃茄湯同羅宋湯中間 酸甜得嚟又帶啲啲辣🤪餸飯食都好jeng 不過我太遲篤穿隻溫泉蛋喇🥲已經唔流心 變咗半熟蛋😂如果可以另外搵個兜仔裝住隻温泉蛋可能會更好-咖喱飯 x1🍛濃香牛肉野菌咖喱飯望見已經覺得好吸引🤩咖喱比平時日式咖喱更濃味 帶些微辣 咖喱汁絕對夠撈飯 牛肉同薯仔都煮得好腍🥔牛肉更加係燉製而成 咬開入面仲呈現輕微粉紅色😆野菌咬落都好爽 如果薯仔可以俾多少少就好🙈-小
-
而家仲推出咗$178限定二人餐👭🏻有齊湯、飯、小菜 仲有兩杯茶飲 可以試晒佢哋最signature嘅菜式😉餐點用餐盤裝住 好似喺canteen食飯咁🤣
-
🍱限定二人前 $178
*供應至另行通知
-
湯 x2
🍲北海道產甜粟雞肉豆乳濃湯
果然係濃湯 質感比較濃稠 每一啖都充滿粟米甜味 而且加咗我最鍾意嘅西蘭花 不過豆乳味唔太食到
·
🍅意大利產番茄蔬菜濃湯(配溫泉蛋)
番茄湯都幾足料☺️加咗唔少蔬菜 味道個人覺得介乎於蕃茄湯同羅宋湯中間 酸甜得嚟又帶啲啲辣🤪餸飯食都好jeng 不過我太遲篤穿隻溫泉蛋喇🥲已經唔流心 變咗半熟蛋😂如果可以另外搵個兜仔裝住隻温泉蛋可能會更好
-
咖喱飯 x1
🍛濃香牛肉野菌咖喱飯
望見已經覺得好吸引🤩咖喱比平時日式咖喱更濃味 帶些微辣 咖喱汁絕對夠撈飯 牛肉同薯仔都煮得好腍🥔牛肉更加係燉製而成 咬開入面仲呈現輕微粉紅色😆野菌咬落都好爽 如果薯仔可以俾多少少就好🙈
-
小菜 x2
🌯番茄菠菜芝士雞肉卷
將以上材料夾埋整成一個卷 好有日式創意料理感覺😍雞肉味係最出 其次先會食到菠菜同芝士味🧀好新奇嘅味道 另外值得一讚個番茄汁好香好好味😋
·
🥓油揚豆腐黑豚薑汁燒
油揚豆腐類似係炸腐皮 食落甜甜地又充滿芝麻香 不過得一塊😬我一時冇為意食咗 朋友冇得食😂至於豚肉份量多 食落唔會太韌 薑味超濃郁
-
🍚日本米飯 x1
米飯用咗田牧越光米 飯粒乾爽又煙韌～
-
🥤飲品 x2
有3款茶可以揀 綠茶、烏龍茶、蜜桃紅茶
·
☕️烏龍茶(凍)
茶味夠香濃 解下膩一流😛茶入面仲見到有小小茶葉碎
·
🍑蜜桃紅茶(凍)
茶味相對冇咁香濃 甜味比較出😗但係都好飲 如果唔太鍾意飲茶 可以試下呢款～
-
店員態度都好友善 亦好貼心☺️留意返佢哋設加一服務費
Post
