滿滿丼 (Closed)

今日同朋友行開旺角行到咁上下就肚仔餓，見到依間滿滿丼就諗住行入去食，依間平民日本嘢真係冇改錯名，入面真係滿晒人㗎。🤭Menu入邊嘅所有丼飯都唔貴，平嘅就30幾蚊，貴嘅都只不過係60幾蚊。我同朋友分別叫咗鰻魚牛肉丼同埋鰻魚雞肉丼。兩個丼飯加少少錢就可以轉套餐，包嘢飲同埋小食。小食地叫咗黑蒜濃湯煮蜆同埋棒棒炸雞翼，嘢飲就一定係我最愛嘅忌廉溝鮮奶，真係唔係度度都有得飲㗎。😬小食先上，我望住朋友嘅黑蒜濃湯煮蜆，佢又望住我嘅棒棒炸雞翼，好似大家對對方嘅小食都有啲興趣，所以我哋就決定share！先講個黑蒜濃湯煮蜆，雖然個蜆唔係話好鮮味，但係絕對對得住個價錢，而棒棒炸雞翼，炸得非常脆，加埋個黑松茸醬冇得輸。🤭兩個丼飯嚟咗，第一個俾我哋嘅感覺就係好色彩繽紛，同埋真係塞滿左成個盒！兩個飯上面除咗我哋叫嘅鰻魚、雞肉同埋牛肉之外，仲有好多配菜，包括泡菜、蛋絲、紫菜同埋酸菜。鰻魚都算大條，牛肉同雞肉都好多，而且味道亦非常唔錯，都係嗰句，完全對得住佢個價錢有突。👍🏻下次經過旺角，一定會再嚟！