神戶屋日韓放題

Open Now

Now Closed

三百幾蚊無限時放題，OpenRice 訂位有9折，湯底食完一個可以再換另一款，都係任食。食物款式，飲品，雪條任食👍🏻首先，一黎上咗一系列嘅新鮮刺身，包括三文魚、不同款式嘅蝦刺身，同埋貝類及螺肉等，絕對值得一試。每一片刺身都切得恰到好處，魚肉新鮮，口感滑順，配上醬油和Wasabi，味道更佳。隨後，上咗一個醃製咗嘅牡丹蝦，都非常惹味，同埋試咗海膽壽司。熱食部分熱食方面亦有多款選擇，例如串燒、天婦羅同埋韓式炸雞等。串燒嘅肉類新鮮，火喉掌握得宜，肉質嫩滑，配上特製醬汁，令人一口接一口（特別係燒鰻魚，牛舌，鯖魚，蝦等）。天婦羅好多款式，樣樣都有叫，全部都做到外脆內軟，吃落去非常爽口，完全冇油膩感。佢個炒菜好出色，特別係炒通菜，非常之惹味。甜品及飲品提供多款日本及韓國甜品，我就揀咗芒果同蜜瓜冰條，清新可口，為整餐畫上完美句號。飲品方面都有多款選擇，各款汽水凍飲熱飲，任君選擇。