部屋咖啡室

去完家樂坊買嘢，同朋友諗住搵間餐廳食下嘢，吹水hea 下。近近哋去左Homemade Cafe 試吓。一入去成個感覺都幾，舒服，大多數都係沙發位。而且仲有大枱啱曬一班朋友仔聚會同玩Broad game。 食物同飲品選擇都唔少，可以一次過試到手工pizza 、意粉、意太利飯，小食同burger。而且服務真係唔錯🤙🏻，落單到上菜都唔需要等好耐。如果咁啱約係旺角聚會食飯可以嚟一試。 椒鹽魷魚鬚 份量都唔少，同朋友share 食冇咁邪惡！而且店家用吸油紙墊一墊底，非常貼心！炸粉唔會太厚，不過如果加埋有汁沾會更jeng ☺️ 黑松露雜菇意大利飯 castello意大利米 吸晒啲黑松露汁，而且飯食落唔會話好硬，啖啖食落去都有忌廉同芝士味。食落唔會好膩之餘仲好滿足。 八寶美顏花茶 好貼心，會連埋蠟燭座熱住。唔使擔心會涷而且十分足料。有玫瑰、紅棗、枸杞、桂花、茉莉等等。飲曬仲可以refill ，同店員講聲就ok 👌 楊枝甘露 唔會好甜，飲落有都重芒果🥭味同奶味， 而且仲搭配埋粒粒，飲之餘有啲嘢咬下，有口感。