見到唔使排隊😍
即刻衝入去
佢個八色小籠包都試過幾次
所以今日叫咗原味
細心品嚐吓正宗上海小籠包嘅精髓🧐
品評小籠包有兩個重點：
1）皮要夠薄，薄得嚟又唔可以咁容易穿
2）裏面啲湯要夠鮮甜，絕對唔可以油膩
樂天皇朝嘅招牌原味小籠包
兩樣都做得好出色✅，絕對係招牌菜！
除咗小籠包之外
都叫咗兩個頭盤一個主菜一個湯
頭盤分別係川味涼皮
同埋松花皮蛋豆腐呢兩個涼菜😋
兩個都好開胃
涼皮辣味啱啱好
適合大眾口味❤️
皮蛋豆腐豉油又唔會太鹹
主菜就係宮保雞丁
細細粒又容易食
惹味醬汁又增值
最後飲埋個10分鮮甜嘅清燉雞湯，飽飽，買單！
