喜聚火鍋雞煲專門店

Open Now

Now Closed

喺旺角火鍋店咁多選擇之中，喜聚火鍋雞煲專門店真係搶得出位，我哋同朋友已經第二次嚟，水準依然冇失手。首先要讚嘅係佢個熟食區，真係樣樣有驚喜：咖喱魚蛋豬皮、麻辣豬紅、雞腳全部都好出色，特別係中藥湯浸雞腳，藥材味夠溫潤，雞腳啖啖膠質，非常入味，甚至好過好多街邊店。打邊爐方面，佢唔係一上枱就清湯火鍋，而係會先上選一款雞煲：可以揀花膠雞、牛肚雞、大腸雞、麻辣雞其中一款，再配一碟Wasabi炒牛肉，微嗆帶甜，幾過癮。呢個「前菜」食完之後，仲會送上粉絲扇貝、鮑魚、豬肉餃嘅蒸拼盤，食到呢度已經好滿足。最後先會上清湯俾你打邊爐，層次分明，夠晒豐富。火鍋本身款式唔算好多特別選擇，不過有白鱔片同石斑片，食材夠鮮，彈牙冇雪味，已經勝過唔少連鎖店。今次揀咗3號餐，每人都唔使加錢就 $350，仲包2公升1664或者Sapporo任飲啤酒，真係性價比爆燈，最重要係晚市可以坐到凌晨兩點，食到攰都唔會俾人趕。小提醒：餐廳唔算大，如果想坐得舒服啲，建議就算訂咗位都早少少到場拎位。有啲卡位係三人枱加摺櫈湊夠四人坐，可能會覺得迫啲。總結：食物有驚喜，程序豐富，價錢合理，氣氛夠熱鬧又唔迫，加啤酒任飲同凌晨收檔，係打邊爐界近期朋