點了個鴛鴦鍋:
養生菇菌燉雞鍋 🐓
湯底真心清甜, 菇菌味出, 飲落好舒服, 雞肉唔鞋又夠滑夠嫩, 未打邊爐前先飲咗兩碗湯, 正！
聰明魷魚沙茶鍋 🦑
沙茶味香濃得嚟唔會咸, 仲有少少惹味嘅辣, 魷魚份量足, 爽口又彈牙, 用嚟淥牛肉真係特別夾！
一嚟就有個海鮮拼盤:
蝦同蜆都幾新鮮, 爽甜無沙, 用菇菌湯底淥可以帶出鮮味。仲有蠔同帶子, 真係好新鮮, 又先甜。
主角出場, 就係日本黑毛和牛A4+
油脂分布好靚, 輕輕淥一淥唔使10秒就食得, 入口即溶化, 牛味香濃, 唔好淥太耐, 食嘅就係嗰種嫩滑,呢個質素任食確實抵讚 👍🏼
澳洲M9和牛牛丸:
牛味濃, 肉質紮實得嚟又多汁, 值得encore。
至於甜品個雪糕櫃, 裡面仲有多款雪糕及雪條, 依家仲有香蕉雪條同榴槤雪條, 真係食咗幾條先夠皮 😃
🥩 日本黑毛和牛A4+ 套餐120分鐘任吃
- 日本黑毛和牛A4+、伊比利亞黑毛豬梅肉、鮮甜鮑魚/鮑魚三吃
📜 本月主題:
經典重現, 復刻體驗
- 小食:
蝦蝦霸霸脆多士、日本和牛橘梨伴豆腐、阿嬷豆乾魚蓉麵、烏金墨汁手作腸、三和夜市雞皮卷、夜市撈脆薯、海苔鹽酥雞、滷味五香雞胗。
特飲: 芒檸蜜西米爽
酒精特飲: 港式檸檬茶18+
惠顧「日本黑毛和牛A4+」任飲, 惠顧「澳洲極上和牛」升級任飲價$68/位，其他套餐單點$58/杯
甜品: 蜜桃愛玉冰
依家有中秋節活動:
由即日起到12/10抽三個燈謎, 看圖猜詞語或回答歇後語及背後既意思, 三條都答中就會送小禮物一份。
