鉄火堂 (登打士街) (Closed)

係解決你係旺角想食日本野但又唔知食咩好嘅一等一選擇! 呢間位登打士街嘅鉄火堂出名性價比高，加上侍應姨姨細心親切嘅招待，憑著以上兩點深入倖存者心。地舖位置唔難搵，不過由於太受歡迎，有時要等半個鐘頭位先拎到張4人枱。壽司(散叫)呢到有玉子、三文魚腩、火炙三文魚、左口魚邊同吞拿魚蓉。飯同刺身比例合宜，唯獨魚味唔夠濃唔夠鮮，不過一分錢 一分貨，對住得個價錢，甚至以價錢黎講佢算超班。要讚下就算散叫壽司都排得咁靚嘅師傅! 呢啲咁俾心機嘅細心位，唔係所有日本料理餐廳都做到，尤其旺角。芝麻雞翼由溫度得知佢係新鮮炸起。外皮焦脆呈焦糖色，舖上香氣撲鼻嘅芝麻，炸得鬆脆嘅外皮包著肉汁滿滿嘅雞翼肉，無辦法唔愛上佢，回頭率好高！