一開始先送上一次性拼盤，包括有牛頸脊、牛小排、牛板腱、牛舌、香草牛油帶子，全部都係高級套餐嘅肉類
鰹魚豆腐湯好惹味😋特別要讚下佢啲豆腐真係好滑嘟嘟🥰
今川燒（吉士味)可以細火輕輕燒兩邊，燒到脆脆地就食得，好味😋
唐揚雞軟骨外層爽脆，香脆惹味，裡面軟骨更加有咬口
博多雞肝辛味醬汁，每一粒的體積較大，口感較棉，雞肝味十分濃郁，未食都能聞到雞肝味，配以辛味醬汁好惹味😍
雞腿肉不錯，燒完仲鎖到肉汁但並沒有過老的問題，外層雞皮燒到勁香脆🔥
日本白豚梅肉非常嫩滑，肉質鮮嫩多汁，即使燒耐咗都絕不老韌😁
豚五花肥瘦比例均勻，燒炙過後脂香肉軟，燒完之後油脂滴晒出來十分出色💯
