今助烏冬御膳 (Closed)

收工突然好想食烏冬鍋，拿拿聲上網睇下旺角邊到有好食烏冬，搵搵下發現旺角間丼丼屋原來執左笠。入正題，今晚揀左雅蘭嘅今助，上網睇佢好多定食揀，入到餐廳個格局好似高級食店，店員都著晒日式服裝。我一心想食烏冬鍋，唔駛諗，點左個牛肉烏冬鍋，朋友叫左滑蛋豬扒御膳。烏冬鍋上菜時好香，原鍋上，侍應好細心咁將手柄轉出去。烏冬鍋湯底偏甜，味道適中，牛肉份量多，不過唔夠肉味，烏冬超彈牙，性價比不俗！朋友點的滑蛋豬扒御膳，睇落去都覺得好豐富，有幾片魚生、茶碗蒸、麵鼓湯。朋友說豬扒厚而多汁，蛋嘅熟度剛好！我試左啖茶碗蒸都好滑！埋單$253。