粗店燒烤 (Closed)

旺角去到邊都真係好多人，周圍食飯都要排隊，咁啱行過呢一間燒烤店，見到無乜嘢人排隊去就同朋友試吓啦。🥴佢裏便都幾乾淨，話晒都新開。地方都闊落，坐落都好舒服。👍🏻上面掛住一包包嘅係佢哋店舖嘅紙巾。我自己就覺得幾特別，同埋幾方便。🦋佢哋都係用QR code落單，所以其實都唔使點Serve我哋。👵🏻我哋一坐低佢就喺隻碟上面放咗少少孜然粉同辣椒粉。😋佢哋嘅嘢食方面，我只會答啱啱好。😐我就叫咗全部都係小辣。食咗佢哋個羊肉串同牛肉串，都係燒得啱啱好，唔會好乾，又保持到佢哋嘅肉汁，其實幾好食。😃燒生蠔都唔錯，好多調味料，個蠔都係燒得岩岩，都仲係好多汁咁啦。😌叫咗佢哋個錫紙娃娃菜，份量都幾少，有粉絲做底，自己就覺得如果多啲菜就好。😕我哋飲左枝哈爾濱啤酒，味道都淡淡地，食串燒就覺得幾唔錯。🙂