Video
Read full review
2023-08-23
41 views
[ 㷫烚烚 ]放假係旺角行到肚餓見到家樂坊8樓新開張呢間任飲任食嘅港式火鍋店🍲，晚市套餐一個價錢包哂前菜、雞煲、老火湯、海鮮、火鍋及甜品6種菜式，齋睇字都覺得豐富。😳✿ 「㷫烚烚六步曲」晚市套餐 $328 星期一至四 / $368 星期五至日入座後去自助區行一轉，醬料任添、飲品🍹任攞。罐裝飲品有汽水、茶、果汁等。第1️⃣步曲：前菜前菜會定時轉款，今次3款前菜係麻辣皮蛋、泰式無骨雞腳及炸魷魚鬚🦑。第2️⃣步曲：火焰雞煲🔥🐔雞煲自選麻辣程度。生雞上枱炒熟10分鐘後，店員會加酒、點火烹調「火焰」🔥雞煲。雞肉份量都幾多，肉質唔嚡口，充滿雞味及燒酒香氣。配料有紫洋蔥及豆卜，芫荽按個人口味添加。唔夠食嘅話仲可以問店員加雞肉。👍第3️⃣步曲：老火養身靚湯🥣老火湯會定時轉款。今次係蟲草花燉雞腳湯，煲到好濃味，每口湯都飲到蟲草花味，煲料仲有大大嚿豬骨，夠足料。第4️⃣步曲：時令海鮮拼盤🐚🦑🦐海鮮份量按人頭供應，可選擇生上（自己用火鍋烚熟）或者蒜蓉清蒸🧄♨️。後者由餐廳代蒸，上枱就食得，非常方便。海鮮拼盤超大盆，款式好多，有貴妃蚌、帆立貝、鮑魚、蟶子、魷魚及蝦，加入蔥粒、辣椒粒、粟米、勝瓜清蒸。海鮮熟透而肉質唔韌，火喉控制
放假係旺角行到肚餓見到家樂坊8樓新開張呢間任飲任食嘅港式火鍋店🍲，晚市套餐一個價錢包哂前菜、雞煲、老火湯、海鮮、火鍋及甜品6種菜式，齋睇字都覺得豐富。😳
✿ 「㷫烚烚六步曲」晚市套餐
$328 星期一至四 / $368 星期五至日
入座後去自助區行一轉，醬料任添、飲品🍹任攞。罐裝飲品有汽水、茶、果汁等。
第1️⃣步曲：前菜
前菜會定時轉款，今次3款前菜係麻辣皮蛋、泰式無骨雞腳及炸魷魚鬚🦑。
第2️⃣步曲：火焰雞煲🔥🐔
雞煲自選麻辣程度。生雞上枱炒熟10分鐘後，店員會加酒、點火烹調「火焰」🔥雞煲。雞肉份量都幾多，肉質唔嚡口，充滿雞味及燒酒香氣。配料有紫洋蔥及豆卜，芫荽按個人口味添加。唔夠食嘅話仲可以問店員加雞肉。👍
第3️⃣步曲：老火養身靚湯🥣
老火湯會定時轉款。今次係蟲草花燉雞腳湯，煲到好濃味，每口湯都飲到蟲草花味，煲料仲有大大嚿豬骨，夠足料。
第4️⃣步曲：時令海鮮拼盤🐚🦑🦐
海鮮份量按人頭供應，可選擇生上（自己用火鍋烚熟）或者蒜蓉清蒸🧄♨️。後者由餐廳代蒸，上枱就食得，非常方便。
海鮮拼盤超大盆，款式好多，有貴妃蚌、帆立貝、鮑魚、蟶子、魷魚及蝦，加入蔥粒、辣椒粒、粟米、勝瓜清蒸。海鮮熟透而肉質唔韌，火喉控制得剛好。👍 墊底嘅粉絲及烏冬索哂整盤海鮮汁精華，滋味十足。
第5️⃣步曲：火鍋放題🍲
免費🆓火鍋湯底有：芫茜皮蛋湯底、骨煲皇湯底、麻辣湯底或番茄牛腩湯底。
升級💰湯底每位+$18，有：蝦滑烚烚蜆煲、椰子雞湯底或啤酒冬陰功湯底。
「蝦滑烚烚蜆煲」全煲鋪滿沙白及大蜆，份量都幾多。每粒蜆肉夠大隻厚肉，味道超鮮甜。其中幾隻沙白/大蜆中間釀滿厚厚蝦滑，既鮮甜又爽彈。😋
蜆湯精華最適合加湯打邊爐，火鍋任食美國Prime牛肉🇺🇸🐮、豚肉🐷及其他配料。牛肉肉味香濃，油脂分布平均。火鍋配料可以去自助區任攞，有丸類、菜類、出前一丁等等。
第6️⃣步曲：甜品🍮
甜品同樣會定時轉款，是日糖水係凍桃膠燉鮮奶，有豐富植物蛋白，滋補養顏。😋
總結🫦
火鍋店環境闊落坐得舒適，套餐食物份量多到未打邊爐已經大半飽🫣🫣。新店開張做緊88折，暫時仲要無限時，去食記得先訂位～
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
㷫烚烚
地址：旺角登打士街56號家樂坊8樓802號
舖
電話：5232 8887 （可WhatsApp)
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
Post
