三井日韓料理 (Closed)

好耐無食放題，甘岩有朋友生日，有人提議去旺角食。上網見到放題大本營兆萬中心有間新野，難得可以一個價錢試理日本同韓國野，就一於挑戰一下。我地6點半到，每人198再加一，二百幾蚊可以有任食都唔差啊。我地搭扶手電梯就上到3樓，真係好方便，唔洗迫電梯上去。餐廳非常寬敞，可能新開關係，環境非常一乾淨，食日本野最緊要環境清潔乾淨，都會食得放心。我地4個人安排坐卡位，好闊落，張枱夠大，可以一次放多d野食，嘻嘻。飲品有個大雪櫃比你自己任拎，旁邊有雪條都可以拎來食。刺身方面好新鮮，有十幾款選擇，每件刺身都係厚切，非常足料，食m沾上芥末同豉油就可以帶到刺身個鮮美出來。壽司芥辣八爪魚壽司值得推介，芥辣同八爪魚配合非常好；火炙三文魚壽司入口即化，火炙壽司十個讚人參雞湯好多料，我地叫左3 round , 好重雞味，食左好多刺身後，有碗暖湯大家都覺得好正。天婦羅個蝦好大隻，炸粉岩岩好，夠薄身味道剛好。吉列蠔真係少見，炸粉多左少少，蠔本身食落味道唔錯。