Video
Read full review
2019-06-09
28 views
呢到唔係全任食，但其實都食到好飽🤰🏻有跟人頭份量嘅7款海鮮+8款升級配料，丸餃菜粉麵就係任叫任食嘅。.首先自選火鍋湯底都有十款，除左基本嘅麻辣、豬骨、蕃茄薯仔湯底外，亦有平常較少見嘅猴頭菇鯊魚骨湯、蟲草花水鴨湯等等。我地就自製咗椰子雞湯底😈湯底揀雪蓮果椰子湯，然後喺升級配料嗰到揀半隻新鮮農場走地雞🐤.餐廳會送上人頭份量嘅海鮮拼盤，其實即係每種海鮮一人有一件。估唔到竟然有鮑魚，仲要連殻上。整體都幾新鮮，呢個價錢嚟講有七款海鮮食，收貨🙆🏻♀️.升級配料有各種牛肉、手打丸、內臟、魚類等等選擇，午餐肉、魚皮、響鈴等等都係屬於升級配料。升級配料總共可以叫8份，所以建議牛魔王可以用多d quota叫牛肉。我地叫咗封門柳牛肉、安格斯牛小排同埋美國肥牛，食落安格斯牛小排口感最好。(可以重覆叫同一款升級配料㗎，例如可以叫2份安格斯牛小排)仲有花膠仔叫！建議大家淥好耐好耐，咁樣啲花膠仔就會煮好腍好粘好有膠質咁🤣.另外亦可以任叫雲吞水餃魚皮餃丸類蔬菜類粉麵類。特別啲嘅有薑汁豬筋丸🤣食落真係有薑汁味道，都可以一試。芝士丸可能是晚冇貨，所以落咗兩次單都冇嚟🤣不過呢到任何飲品都係額外收費，飲品選擇都幾多，酒類同無
有跟人頭份量嘅7款海鮮+8款升級配料，丸餃菜粉麵就係任叫任食嘅。
.
首先自選火鍋湯底都有十款，除左基本嘅麻辣、豬骨、蕃茄薯仔湯底外，亦有平常較少見嘅猴頭菇鯊魚骨湯、蟲草花水鴨湯等等。
我地就自製咗椰子雞湯底😈湯底揀雪蓮果椰子湯，然後喺升級配料嗰到揀半隻新鮮農場走地雞🐤
.
餐廳會送上人頭份量嘅海鮮拼盤，其實即係每種海鮮一人有一件。
估唔到竟然有鮑魚，仲要連殻上。
整體都幾新鮮，呢個價錢嚟講有七款海鮮食，收貨🙆🏻♀️
.
升級配料有各種牛肉、手打丸、內臟、魚類等等選擇，午餐肉、魚皮、響鈴等等都係屬於升級配料。
升級配料總共可以叫8份，所以建議牛魔王可以用多d quota叫牛肉。
我地叫咗封門柳牛肉、安格斯牛小排同埋美國肥牛，食落安格斯牛小排口感最好。(可以重覆叫同一款升級配料㗎，例如可以叫2份安格斯牛小排)
仲有花膠仔叫！建議大家淥好耐好耐，咁樣啲花膠仔就會煮好腍好粘好有膠質咁🤣
.
另外亦可以任叫雲吞水餃魚皮餃丸類蔬菜類粉麵類。
特別啲嘅有薑汁豬筋丸🤣食落真係有薑汁味道，都可以一試。芝士丸可能是晚冇貨，所以落咗兩次單都冇嚟🤣
不過呢到任何飲品都係額外收費，飲品選擇都幾多，酒類同無酒精類都有。
.
呢到冇收醬料費，所以只提供佢地預先整好嘅辣椒豉油(或者可以自己要求換普通豉油)🙁
畢竟打邊爐醬料都好重要😭好想要芫茜同蒜蓉呢😣
Post
