潮州鹵漢大飯店 (Closed)

揀咗 B 海鮮初體驗，已經食到手搖海鮮袋同高質嘅任食火鍋！性價比超高！手搖海鮮袋入面有波士頓龍蝦、鮑魚、扇貝、魷魚筒、 沙白同迷你魚蛋，配菜仲有埋金菇、萵荀同粟米，份量真係好豐富！倒入醬汁之後搖勻焗2 分鐘就可以食，揀咗香濃蒜醬好好味，食唒尼一盤海鮮已經覺得好抵！招牌滷水湯鍋入面有豆腐同豬紅，湯底好順口唔會咸，果然係招牌湯底，出色👍🏻-配料方面都好高質！牛肉分別點咗安格斯牛頸脊同牛板腱，兩款油脂同厚薄都好靚，仲有自取嘅沙茶牛肉！牛肉都好好食，真係要食完再食！脆鯇魚片同鵝腸都好爽口！手打滑類都必定要拎！醉雞好入味，要拎！蔬菜都好乾淨新鮮！推薦必點潮州拉麵🍜 店員建議放入鍋20秒就可以食，麵條仲好夠彈性又極速吸收晒湯汁，食得又睇得，同湯底好夾，好有驚喜！甜品區牆上有圖片教學整甜品，又幾貼心喎！整咗仙草芋圓加馬來西亞風味奶茶，好match 好好味！整體食物質素好，服務又好，座位夠闊坐得舒服，好值得推薦！