象屋泰國餐廳 (Closed)

搵位度：🌟🌟🌟🌟🌟抵食度：🌟🌟好食度：🌟🌟🌟今期再講下MOKO入面呀都幾出名嘅泰式半自助午餐：象屋。半自助午餐價位由$100至$200不等，小弟又想食泰式蝦餅，所以叫咗個車仔麵，咁都有三餸食完就唔算太飽啦，咁可以去食半自助嘅部份補飛。半自助餐嘅部份啊，有最經典嘅自助沙律，同埋少少泰式前菜包括泰式鳳爪泰式沙律，亦都有炸春卷等等嘅低級炸物。甜品方面係最伏啦，只係得椰汁大菜糕、勁硬泰式糯米飯，最一般嘅椰汁糕都冇呀，甜品方面有少少令人失望。咁我都有配一杯嘢飲嘅，咁我都叫咗加$10嘅青檸梳打味道，都係普通。總括而言呢個價位係MOKO嘅算係正常發揮啦。