匯倫館私房菜 (Closed)

今日放工去咗旺角搵食，一間位於旺角地鐵站D3 出口一出就見到嘅匯倫館私房菜，這間新開無耐嘅粵菜館，屬於樓上鋪，有兩層，一樓係適合大班朋友嘅包房同埋大枱，包房最低消費價錢非常合理，而且房裏面除咗食飯仲可以唱卡拉OK，有得玩又有得食實在係一個聚會嘅好地方，2樓就係細枱，二人至八人枱都有，幾多個人嚟食都冇問題👍🏻👍🏻我哋坐低咗就見到有一個大魚缸，魚類，龍蝦，蟹類等海鮮都係即撈即煮，非常新鮮，打開餐牌，基本上你講得出嘅粵菜都有得食，而且食材價錢豐儉由人，有珍饈百味亦有平價小菜，真係食粵菜非常好選擇是日晚餐二人前🍍🐷▪️鳳梨脆皮咕嚕肉 $ 138必食推介，一上枱已經被份量嚇親，從未見過咕嚕咁大碟，用新鮮菠蘿殼放上大量咕嚕肉及菠蘿，賣相已經一流，食一口咕嚕肉，外皮超級香脆，豬肉用上豬梅頭肉，肉質非常有彈性帶爽脆，醬汁酸甜度啱啱好，超級好食，菠蘿都係用上新鮮菠蘿，店員話師傅是客人點菜單用新鮮菠蘿即切，就算係配菜青紅椒都一樣咁好食，真心好出色的一個咕嚕肉🦞▪️避風塘炒龍蝦 $ 328避風塘炒蟹就食得多，炒龍蝦都係第一次，都係經理推介，龍蝦味道帶微微香辣，好有鑊氣，肉質好爽口彈牙，龍蝦應該非常新鮮，龍蝦被炸